Дана Уайт қайси жанг Оқ уйдаги UFC турнирининг асосий тўқнашуви бўлишини айтди

UFC президенти Дана Уайт Оқ уйда бўладиган турнирнинг асосий жанги қандай бўлишини исташини айтди.

"Жон Жонс допинг тест синовлари жараёнига қайтди. Кимдир қайтиш ёки қайтмаслигидан қатъи назар, биз ажойиб кард тайёрлаймиз. Аммо орзудаги асосий жанг — бу Том Аспиналл ва Жон Жонс жанги", – деди Уайт.

Уайтдан Конор МакГрегорнинг турнирда қатнашиши мумкинлиги ҳақида ҳам сўрашди.

"Бу мумкин", – деб жавоб берди у.

Ҳозирча расман эълон қилинмаган бўлса-да, ушбу турнир учун октагонни Оқ уй атрофида қандай жойлаштириш ва томошабинларни қандай танлаш масалалари кўриб чиқилмоқда.