Испанияда кучли ёмғирлар даҳшатли сув тошқинларини келтириб чиқарди. Расмий маълумотларга кўра, камида 51 киши ҳалок бўлган.
Испания Қироллик футбол федерацияси чора кўришга мажбур бўлди - кубокнинг икки ўйини кўчирилди. Гап "Парла Эскуэла" - "Валенсия" ва "Понтеведра" - "Леванте" учрашувлари ҳақида кетмоқда. Ўйинлар кўчирилгани тўғрисидаги маълумот федерациянинг расмий сайтида жойлаштирилган.
Испания федерацияси вазиятни кузатишда давом этмоқда. Яна бошқа ўйинларни ҳам кўчиришга тўғри келиши эҳтимолдан холи эмас.
