CNN: Вашингтонда 3 минг гектардан ортиқ майдонни эгаллаган ёнғинни жиловлашнинг имкони бўлмаяпти

Ҳокимият органлари АҚШнинг Вашингтон штатида авж олган ўрмон ёнғини сабабли 65 мингдан ортиқ кишини ўз уйларидан эвакуация қилди.

Бу ҳақда "CNN" телеканали хабар берди.

Қайд этилишича, ҳозирга қадар олов Спокан округида 700 дан ортиқ иншоотни вайрон қилган, ёнғин майдони эса 3 минг гектардан ошиб кетган.

Ёнғинни ҳозирча жиловлаш (эгаллаш)нинг имкони бўлмади.

Мавжуд маълумотларга кўра, ёнғин оқибатида ҳалок бўлганлар ва жароҳат олганлар ҳақида ҳозирча хабарлар келиб тушмаган.