Чехияда ҳибсга олинган ноқонуний қочқинлар сони бир йил ичида 90 фоизга камайди

2024 йилда Чехияда қўлга олинган ноқонуний қочқинлар сони ўтган йилга нисбатан 90 фоизга камайди.

Бу ҳақда ČTK ахборот агентлиги хабар бермоқда.

2024 йилда республикада 420 нафар ноқонуний қочқин қўлга олинган. Уларнинг аксарияти Ғарбий Европа давлатлари орқали транзит ўтишни мақсад қилган. Ноқонуний муҳожирлар умумий сонининг учдан икки қисми Сурия фуқаролари эди.

Шунингдек, қўлга олинганлар орасида Туркия, Афғонистон, Эфиопия ва Мўғулистон фуқаролари ҳам бор. Агентликнинг қайд этишича, кўплаб қочқинлар сохта ҳужжатлар тақдим этган.

Чехия ҳукумати қочқинларнинг ватанларига қайтишига ёрдам бериш дастурини амалга оширмоқда. 2024 йилда ундан 748 киши фойдаланган. 201 нафар муҳожир республикани мажбуран тарк этишга мажбур бўлди.