2025 йилнинг биринчи кунида Россия Федерацияси таркибидаги Чеченистон Республикасида янги диний таълим муассасаларининг қурилишига старт берилди. Республика раҳбари Рамзан Қодиров бу ҳақда ўзининг Телеграм-каналида маълум қилди.
Қодировнинг таъкидлашича, Грозний шаҳрида қурилаётган янги мадраса куҳна Бухорода таваллуд топган буюк муҳаддис олим Имом Ал-Бухорий номи билан аталади. Лойиҳага кўра, мадраса уч қаватли бинодан иборат бўлади ва у 500 нафар ўқувчини қабул қилиш имкониятига эга. Толибларнинг 250 нафари ётоқхона билан таъминланиши мўлжалланган.
Шунингдек, Шатой, Ачхой-Мартан ва Грозний туманларида ҳам Қуръон ҳофизлари тайёрлайдиган учта янги диний мактаб барпо этилмоқда. Қурилиш ишлари бошланиши муносабати билан Рамзан Қодиров қуйидагича изоҳ қолдирган:
"Янги йилни хайрли иш билан бошладик. Грознийда замонавий мадраса қурилишига старт берилди. Бу ёш авлодни тарбиялаш ва уларни исломий билимларга ошно қилиш йўлидаги муҳим қадамдир", деди у.
Россия Япония ва Жанубий Кореяга ҳужум қилиш режаларини ишлаб чиқди – FT
Ўлимга ҳукм қилинган америкалик имкон қадар тезроқ қатл қилинишини сўради
Россия ҳаво ҳужумидан мудофаа тизимлари Украина қирувчисини уриб туширди
