Буюк Британия ва Франция ядровий тўхтатувчи кучларни мувофиқлаштиришга келишиб олди

10 июль куни Буюк Британия ва Франция икки давлатнинг ядровий тўхтатувчи кучларини мувофиқлаштириш тўғрисидаги декларацияни имзолайди.

Бу ҳақда Agence France-Presse (AFP) хабар бермоқда.

"Бирлашган Қироллик ва Франция икки давлатнинг ядровий тўхтатувчи кучлари мустақил бўлиб қолган ҳолда, келишиб олиниши мумкинлигини эълон қилади... Пайшанба куни имзоланадиган декларацияда тегишли тўхтатувчи кучлар мустақиллигича қолиши, "лекин мувофиқлаштирилиши мумкин", деб таъкидланади агентлик Елисей саройи ва Британия ҳукуматининг ўз ихтиёридаги баёнотига таяниб.

Май ойида Лондон ядро арсеналини кенгайтиришни режалаштираётгани ва Вашингтондан B61 ядро бомбаларини олиб юришга қодир бўлган F-35A қирувчи самолётларини сотиб олиш бўйича музокаралар олиб бораётгани маълум бўлди. Айни пайтда Британия ядровий қуроллари тўртта Вангуард тоифасидаги ядровий сув ости кемаларида жойлаштирилган. Бу сув ости кемалари Американинг Trident II баллистик ракеталарини олиб юради.

Бундан олдин Франция президенти Эммануэль Макрон унинг мамлакати 2035 йилга бориб Россияни тийиб туриш стратегияси доирасида ядро каллаклари ва янги авлод қирувчиларига эга гипертовушли ракеталарни жойлаштиришини айтган эди.