Букингем саройи томонидан эълон қилинган баёнотда айтилишича, қирол Чарлз III нинг укаси шаҳзода Эндрю вояга етмаган қизларга нисбатан жинсий тажовузларда айбланган Жеффри Эпштейн билан алоқадорлиги ҳақидаги гумонлар ортидан Йорк герцоги унвонидан воз кечади.
"Қирол ва яқин қариндошларим билан олиб борилган музокаралар натижасида шундай хулосага келдикки, менга нисбатан давом этаётган айбловлар олий ҳазратлари ва қироллик оиласи амалга ошираётган ишлардан эътиборни чалғитмоқда. Мен ҳар доимгидек оилам ва ватанимнинг манфаатларини биринчи ўринга қўйишга қарор қилдим. Бундан беш йил аввал қабул қилган жамоатчилик эътиборидан четга чиқиш ҳақидаги қароримга содиқ қоламан. Шу сабабли бундан буён унвонимдан фойдаланмайман. Илгари айтганимдек, менга қўйилган барча айбловларни қатъиян рад этаман", – деди шаҳзода Эндрю.
Маълумот учун, 2021 йил август ойида америкалик Виржиния Жуффре шаҳзода Эндрюга қарши жинсий зўравонлик бўйича даъво қўзғатган эди. Унинг таъкидлашича, ўсмирлик пайтида шаҳзоданинг дўсти бўлган америкалик молиячи Жеффри Эпштейн аёлга жинсий тажовуз қилган.
2025 йил апрел ойида Жуффре ўз жонига қасд қилди. Октябр ойида чоп этилиши кутилаётган унинг хотираларида шаҳзода Эндрюга қарши айбловлар ҳам мавжуд.
Янгиланган Cobalt'нинг нархи эълон қилинди
Покистонда «келинлар бозори» борлигини биласизми?
Қумқўрғон ҳокими аҳолига тезак ёқишни маслаҳат берди
