Буюк Британия Россиянинг Грузия ҳудудларини босиб олишини кескин қоралади.
Бу ҳақда Буюк Британиянинг Грузиядаги элчихонаси баёнот берди.
Қайд этилишича, БМТ Инсон ҳуқуқлари бўйича кенгашининг Женевада бўлиб ўтган йиғилишида Буюк Британия Грузия суверенитетини қўллаб-қувватлашини яна бир бор тасдиқлаган. Резолюцияда Россия босқинидан келиб чиққан инсон ҳуқуқлари бузилиши ва гуманитар муаммоларга алоҳида эътибор қаратилган.
Буюк Британиянинг Европа ва Шимолий Америка бўйича давлат вазири Стивен Доугҳти Россия ўз ҳарбий кучларини олиб чиқиб кетиши, мустақил ҳудудларни тан олишдан воз кечиши ва инсон ҳуқуқлари бўйича халқаро кузатувчиларнинг минтақага киришини таъминлаши кераклигини айтди. "Россия 17 йил давомида Абхазия ва Цхинвали ҳудуди устидан ноқонуний ҳарбий назоратни амалга оширди, бу эса халқаро ҳуқуқни бузади ва этник грузинларни асосий ҳуқуқларидан маҳрум қилади. Бу ишғолга чек қўйилиши керак", - дея қўшимча қилди у.
Эслатиб ўтамиз, 2025 йилнинг 8 октябрь куни Женевада БМТ Инсон ҳуқуқлари кенгаши босиб олинган ҳудудлар бўйича “Грузия билан ҳамкорлик” номли резолюцияни қабул қилган эди. Грузия Ташқи ишлар вазирлиги маълумотларига кўра, резолюцияни Кенгаш йиғилишида вазир ўринбосари Лаша Дарсалия тақдим этган.
Хитой ўз аҳолисини жиддий огоҳлантирди
Тошкент шаҳри ҳавоси ифлосланишининг сабаби маълум бўлди
Дунёда энг кам ва энг кўп туғилиш қаерда?
