Буюк Британия ҳукумати Ғазо секторидан 300 нафаргача оғир касал болани давлат шифохоналарида даволаниш учун эвакуация қилиш режаларини ишлаб чиқмоқда.
Бу ҳақда Британиянинг The Sunday Times ҳафталик нашри манбаларга таяниб хабар берди.
Унга кўра, дастур тафсилотлари яқин ҳафталарда расман эълон қилинади. Буюк Британия ташқи ишлар вазирлиги раҳбари Дэвид Лэмми, ички ишлар вазири Ивет Купер ва Соғлиқни сақлаш вазирлиги раҳбари Уэс Стритинг бу борада ишламоқда. Қайд этилишича, Ғазодан келган ҳар бир болага ота-онаси ёки васийларидан бири ва бошқа қариндошларидан бири ҳамроҳлик қилади. Нашрнинг ёзишича, Британия ҳукумати эвакуация қилинганларнинг бир қисми даволанганидан кейин ватанига қайтмаслигини кутмоқда.
Газета таъкидлаганидек, 2023 йил октябрь ойида Фаластин-Исроил можароси авж олганидан бери Ғазодан фақат уч нафар болага Буюк Британияга тиббий визалар берилган. Project Pure Hope ташкилоти оғир касал болаларга ёрдам кўрсатиш билан шуғулланади.
The Sunday Times газетасининг таъкидлашича, Ғазо Соғлиқни сақлаш вазирлиги маълумотларига кўра, можаро пайтида анклавдан 7000 дан ортиқ бемор, жумладан 5000 болалар эвакуация қилинган. Уларнинг аксарияти Миср, БАА ёки Қатарга олиб кетилган. Нашр қўшимча қилганидек, 200 га яқин бола Европа мамлакатларига, жумладан Испания, Италия, Ирландия, Норвегия ва Руминияга эвакуация қилинган.
Пўлат Бобожонов лавозимидан озод этилди, Абдусалам Азизов янги лавозимга тайинланди
Telegram’да янги функция пайдо бўлди (фото)
UFC жангчиси Шавкат Раҳмоновнинг рафиқаси 10 йилга қамалиши мумкин
