Буюк Британия 16 ёшгача бўлган болаларга литрида 150 мг дан ортиқ кофеин бўлган энергетик ичимликларни сотишни тақиқлаш бўйича маслаҳатлашувни бошлади.
Бу ҳақда Британия ҳукумати матбуот хизмати хабар берди.
"Энергетик ичимликлар зарарсиздек туюлиши мумкин, аммо улар бугунги болаларнинг уйқуси, диққатини жамлаши ва фаровонлигига зиён етказмоқда, шакар миқдори юқори бўлган версиялар эса семиришга ҳисса қўшмоқда", — деди Соғлиқни сақлаш вазири Уэс Стритинг.
Тадқиқотларга кўра, 100 мингга яқин болалар ҳар куни камида битта энергетик ичимлик истеъмол қиладилар, бу уларнинг уйқуси, ўқув фаолияти ва руҳий саломатлигига салбий таъсир қилади. Таълим вазири Бриджит Филлипсоннинг қўшимча қилишича, бу чора "тарихдаги энг соғлом болалар авлодини яратиш йўлидаги яна бир қадам" бўлади.
Ота-оналар ва ўқитувчилар томонидан қўллаб-қувватланган тақиқ 40 000 болада семиришнинг олдини олиши ва келажакда касалликларни даволаш учун ўн миллион фунт стерлингни тежаши мумкин.
ШҲТ саммитидан қайтган ташқи ишлар вазири ҳибсга олинди
Транспорт вазирининг биринчи ўринбосари ҳибсга олинди
Олимпиада чемпиони Асадхўжа Мўйдинхўжаев фуқаро билан муштлашдими?
