Техник жиҳатдан тартибга солиш соҳасида назорат инспекциясининг Бухоро вилояти бўлими томонидан хусусий клиникада ўлчаш воситаларининг қонуний ҳолатини ўрганишга қаратилган назорат тадбирлари ўтказилди.
Бухоро шаҳар “ABC” МЧЖда ўтказилган назорат давомида клиникада мавжуд 5 та ўлчаш воситаси белгиланган метрологик кўрикдан ўтмагани маълум бўлди.
Қайд этиш жоизки, бу каби ҳолатлар Ўзбекистон Республикасининг “Метрология тўғрисида”ги Қонунининг 16-моддаси талабларига зид бўлиб, ушбу норма фақат текширувдан ўтган ўлчаш воситаларидан фойдаланишга рухсат беради.
Изоҳ:
🔹 Ўлчаш воситаси — бу ўлчаш ишларида қўлланиладиган техник жиҳоз бўлиб, у муайян метрологик талабларни бажара олиши лозим.
🔹 Метрологик текширув — ўлчаш воситасининг аниқлик, ишончлилик ва талабга мувофиқлигини баҳолаш жараёнидир.
⚖️ Аниқланган қонунбузарликлар бўйича клиниканинг раҳбарига нисбатан белгиланган тартибда маъмурий чоралар кўрилди.
