Тошкент шаҳри Яшнобод туманида яшовчи, 1986 йилда туғилган фуқаро А.Ш. жиноий шериклари шу манзилда яшовчилар, 1988 йилда туғилган фуқаро И.Д. ва 1978 йилда туғилган фуқаро С.И.лар билан олдиндан ўзаро жиноий тил бириктириб, 2018 йил 23 апрель куни Бухоро вилоятида “UZ AVTO….” МЧЖ ташкил қилишган.
Улар Шофиркон, Жондор, Когон ва Бухоро филиалларига лизинг асосида автомашина олиш учун келган 120 нафар фуқароларга лизинг шартномаси асосида “GM-Uzbekistan” автомобил заводида ишлаб чиқарилган енгил автомашиналарни олиб беришни ваъда қилиб, уларни алдаб, фуқароларнинг кўп миқдордаги мулкларини қўлга киритиб, пулларни ўзларининг шахсий эҳтиёжлари учун сарфлаганлар.
«Фирибгарлар» фуқароларга сохта лизинг шартномаларининг бир нусхасини тақдим қилиб, ҳужжатларни қалбакилаштириб, ундан фойдаланиб келганлиги аниқланган.
Бухоро вилоят Ички ишлар бошқармасининг хабарига кўра, мазкур ҳолат юзасидан ушбу фуқароларга нисбатан Ўзбекистон Республикаси ЖКнинг 168-моддаси 3-4-қисми, 228-моддаси 2-3-қисмлари билан қўшимча айб эълон қилинган ҳамда қамоққа олиш тарзидаги эҳтиёт чораси қўлланилган.
Ўзбекистон тиббиёти оғир жудоликка учради
Россия яна иккита қишлоқни қўлга киритди, аммо ўз позициясини йўқотди
Сирдарёда аёл ва унинг фарзандларини ўлдириб, уйни ёқиб юборишди
