Қозоғистонлик тадбиркор, Совет Иттифоқининг иккита “Буран” космик кемасидан бирининг эгаси Даурен Муса Қозоғистон Ички ишлар вазирлиги томонидан қидирувга берилган.
Қидирув ўтказилгани ҳақидаги маълумот Қозоғистон Бош прокуратурасининг ҳуқуқий статистика ва махсус қайдлар портали сайтида эълон қилинган.
Тадбиркор фирибгарликда гумон қилиниб, қидирувга берилган, дея аниқлик киритди Казинформ агентлиги Олмаота полицияси маълумотларига таяниб. Ишнинг бошқа тафсилотлари ҳозирча ошкор этилмаган.
2021 йилда Роскосмоснинг собиқ бош директори Дмитрий Рогозин тадбиркорни, унинг сўзларига кўра, “даҳшатли аҳволда” бўлган “Буран” космик кемасини Байконур шаҳрига беришга чақирган. Бироқ, Қозоғистоннинг "Байконур" ракета-космик компаниясининг бош директори бўлган "Буран" эгаси уни Россияга топширишдан бош тортди, чунки бу АЖ Олма-ота шаҳрида рўйхатдан ўтган Қозоғистоннинг хусусий компанияси бўлиб, Роскосмос таркибига кирмайди.
Космодром ва шу номдаги шаҳарни ўз ичига олган “Байконур” мажмуаси 1994 йил 28 мартда имзоланган шартнома ва 1994 йил 10 декабрдаги ижара шартномаси асосида Россияга 20 йилга ижарага берилган. 2004 йилда бу муддат 2050 йилгача узайтирилди.
Россия рубли ҳам қулади
Немислар бир нарсани билишади
«Биз болаларни ер юзидаги дўзахда ҳалок бўлишга ҳукм қиламиз”
