Бугун Сайфиддин Мелиев таваллуд топган кун

Профессионал театр режиссёри, киноактёр Сайфиддин Мелиев ҳозирги Ўзбекистон давлат санъат ва маданият институтини тамомлаган. Бир нечта театрларда постановкачи режиссёр сифатида фаолият юритган. Ҳозирда Мудофаа вазирлиги тасарруфидаги Турон Давлат ҳарбий театрининг директори лавозимида ишламоқда.

Ижодкор ўзбек миллий кино санъатида “Қудуқ” (реж. М.Абдухолиқов), “Сеҳрли қалпоқча” (реж. С.Каримов), “Ўйин” (реж. О. Йўлдошев), “Тундан тонггача” (реж. Ж.Аҳмедов), “Алданган аёл” (реж. Ҳ.Насимов), “Ўтов” (А.Шаҳобиддинов), “Қабрдан қайтган умр” (реж. Исамат Эргашев), “Қалбим ўғриси” (реж. Ф.Соипов), “Меҳмонхона” (реж. Акром Исаков), “Хўжа Насриддин” (реж. Скан Мульти), “Қадамлар” (реж. Озод Шамс) фильмларда турли характердаги ролларни ижро этган.

Кинематография агентлиги жамоаси Сайфиддин Мелиевни бугунги таваллуд куни билан қутлаб, оилавий тинчлик-хотиржамлик, ижодий шижоат ва муваффақиятлар тилайди!