Брянск вилоятига АТАCМS ракеталари билан қилинган ҳужум Ғарб зиддият кучайишини хоҳлаётганидан далолат беради

Брянск вилоятига АТАCМS ракеталари билан қилинган ҳужум Ғарб зиддият кучайишини хоҳлаётганидан далолат беради — Россия Ташқи ишлар вазири.

Сергей Лавров бундай фикрни G20 саммити ўтаётган Рио-де-Жанейродаги матбуот анжуманида маълум қилди.

Россия ТИВ раҳбари, шунингдек, Ғарб давлатларига Россиянинг янгиланган ядровий доктринасини ўқиб чиқишни маслаҳат берди.

Россия Брянск вилоятига қилинган ҳужумга ядровий жавоб чораларини кўряптими деган саволга жавоб берар экан, Лавров Россия расмийлари "ядро қуроли биринчи навбатда ҳар қандай ядро урушининг олдини олишга қаратилганлигига ишонч ҳосил қилишини" айтди.