28 ноябрь куни Британиянинг Virgin Atlantic авиакомпаниясининг самолёти тарихда илк бор экологик тоза авиаёнилғи – SAFдан фойдаланган ҳолда Лондондан Нью-Йоркка илк парвозни амалга оширди.
Лондондан Нью-Йоркка учган Boeing 787 самолёти бортида авиакомпания асосчиси миллиардер Ричард Бренсон, авиакомпания бош директори Шай Вейс ва Британия транспорт вазири Марк Харпер бўлган.
Boeing 787 учун ёнилғи сифатида ўсимлик ёғи ва маккажўхори чиқиндиларидан олинган синтетик керосин билан аралаштирилган, чиқинди ёғларидан тайёрланган ёқилғи ишлатилган.
