Буюк Британия ҳукумати фаластинликларга ёрдам бериш учун 101 миллион фунт стерлинг ажратади.
Бу ҳақда Қироллик Ташқи ишлар вазирлиги Фаластин бош вазири ва ташқи ишлар вазири Муҳаммад Мустафонинг Лондонга ташрифи муносабати билан берган баёнотида айтилган.
Унинг Буюк Британия бош вазири Кей Стармер ва Буюк Британия ташқи ишлар вазири Девид Лемми билан учрашуви якунлари бўйича Лондоннинг Фаластин давлатчилигини мустаҳкамлаш ва “икки халқ учун икки давлат” режасини амалга оширишга содиқлиги қайд этилган ўзаро англашув меморандуми имзоланди. Ҳужжатда Ғазо секторини Фаластин миллий маъмурияти (ПНА) назоратига қайтариш зарурлиги ҳам таъкидланган.
“Бундан ташқари, Буюк Британия босиб олинган Фаластин ҳудудларига ёрдам пакетини эълон қилмоқда, бу пакет мақсадли гуманитар ёрдам кўрсатиш, Фаластиннинг иқтисодий ривожланиши, ислоҳоти ва бошқарувини қўллаб-қувватлаш учун 101 миллион фунт стерлингни ўз ичига олиши кутилмоқда”, — дейилади ТИВ эълон қилган ҳужжатда.
Шунингдек, “Бирлашган Қироллик ва Фаластин маъмурияти араб ва Фаластин ташаббуслари асосида Ғазонинг келажагига мувофиқлаштирилган ёндашув бўйича келишиб олгани” қайд этилган.
Наманганлик отахон рекорд жаримани «ишлаб олди»
Айрим мактабларда қизларга юбка кийиш тақиқланди. Ота-оналар норози!
Яқин ойларда Украина янги президентга эга бўлади
