Бразилияда БМТнинг иқлим бўйича саммити вақтида ёнғин юз берди

Бразилиянинг Белем шаҳридаги COP30 иқлим конференциясида ёнғин содир бўлди. Ҳодиса оқибатида ҳеч ким жабрланмади, деб хабар беради The Guardian.

Ёнғин чиққан павильондан одамлар эвакуация қилинган. Воқеа жойига етиб келган ўт ўчирувчилар тезда оловни ўчирдилар.

“Ёнғин сабаби тергов давомида аниқланади, бироқ мен бу қасддан содир этилган жиноят эканлигига шубҳа қиламан”, — деди Бразилия туризм вазири Селсо Сабино.

Ёнғин конференциядаги муҳокамаларга жиддий тўсқинлик қилди, чунки музокараларнинг якуний босқичи яқинлашиб қолган эди.

“COP30да БМТнинг иқлим бўйича фаолиятини, халқ пленар мажлиси ва музокараларга тўсқинлик қилган ёнғин, афсуски, ёрқин метафорага айланди”, — деди Жес Веспонте, америкалик фаол.

Бразилиянинг Белем шаҳрида бўлиб ўтган БМТнинг иқлим ўзгариши бўйича 30-конференциясида 12 давлатдан иборат гуруҳ иқлим ўзгариши бўйича декларацияни имзолаган.