Ўтган йилнинг 5 сентябрь куни ЖЧ-2022 саралаши доирасида Бразилия ва Аргентина ўртасидаги ўйин 4-дақиқада тўхтатилганди. Аргентинанинг тўрт футболчиси – Буэндиа, Мартинес, Ло Чельсо ва Ромеронинг Бразилия ҳудудига коронавирус қоидаларини бузган ҳолда кириб келгани бунга сабаб қилиб кўрсатилганди.
Жорий йилнинг февраль ойида ФИФА тартиб-интизом қўмитаси учрашувни такроран ўтказишга қарор қилди. Ҳар икки жамоани жаримага тортди. Коронавирус қоидаларини бузган футболчиларни 2 ўйинга дисквалификация қилди.
Шундан сўнг Бразилия миллий жамоаси жароҳатлар хавфи, дисквалификациялар сабабли такрори ўйин ўтказилишига қарши чиқди. Аргентиналиклар ҳам бу баҳсга бойкот эълон қилишди. Шуларни ҳисобга олган Спорт арбитраж суди – CАS жамоаларнинг мазкур ўйинни ўтказмаслик ҳақидаги келишувини маъқуллади.
Зеро, иккала жамоа ҳам мундиалнинг финал босқичига йўл олган, турнир нуқтайи назаридан бу беллашув ҳеч қандай роль ўйнамайди.
Франциянинг олти шаҳри Қатардаги ЖЧ-2022га бойкот эълон қилди
Индонезиядаги стадионда юз берган тартибсизликларда ҳалок бўлганлар сони 174 кишига етди
"Олтин тўп" натижалари аллақачон маълум бўлганми?
