Босфор ва Дарданелл бўғозлари бўйича Туркия ўз қарорини ўзгартирмайди

Туркия ҳукумати Босфор ва Дарданелл бўғозлари орқали ҳарбий кемаларнинг ҳаракатланишига қўйилган чекловларни сақлаб қолиш ниятида.

РИА Новости агентлиги мамлакат ҳукуматидаги манбага таяниб хабар беришича, Анқара мазкур масала бўйича ўз позициясини ўзгартиришни режалаштирмаяпти.

Туркия томони Қора денгиз минтақасидаги вазият янада кескинлашишининг олдини олишни муҳим вазифа деб ҳисобламоқда.

"Ҳозирги шароитда Қора денгизда кескинликнинг янада кучайишига йўл қўймаслик айниқса муҳим", — деган ҳукуматдаги манба.

Шу тариқа, Анқара ҳарбий кемаларнинг Босфор ва Дарданелл бўғозларидан ўтишига нисбатан амалдаги чекловларни давом эттириш тарафдори эканини билдирган.