Болакай Ғазода тинчлик элон қилингандан сўнг мактабга қайтишга умид қилмоқда

Ғазо аҳолиси қамал қилинган ҳудуддаги вайронкор урушни тугатишга қаратилган эҳтимолий сулҳ битимини кутмоқда.

Дейр-эл-Балаҳ шаҳридаги болакай Ал-Жазирага шундай деди: "Мен ниҳоятда хурсанд бўламан, оила аъзоларим билан қайта бирлашишга, уйга ва мактабга қайтишга умид қиламан."

Бошқалар эса 15 ойдан ортиқ давом этган урушнинг оқибатларидан хавотирда.

Шаҳардаги бир журналист Ал-Жазирага қуйидагиларни айтди: "Гарчи барчамиз ўт очишни тўхтатиш тўғрисидаги келишувни эшитишни истасак-да, бизда чуқур хавотир бор... Кўплаб оилалар, шу жумладан менинг оилам ҳам қайта бирлаша олмайди. Кўпчилик болалар ота-онасининг қаерда эканлигини билишмайди. Бундан ташқари, кўпчилигимиз барча ҳаётий хотиралардан ташқари уй-жойимизни, ишимизни ва азиз инсонларимизни йўқотдик."

Ғазодаги барча фаластинликлар учун одатий ҳаёт тарзини қайта тиклаш жуда қийин бўлади. Биз янги курашга киришамиз: ҳаётимизни нолдан бошлаб қуришга. Энг муҳими, кўпчилигимиз, айниқса журналистлар, урушдан юрак ва қалбларимизда чуқур жароҳатлари билан чиқиб кетяпмиз.