БМТ зилзила содир бўлган Афғонистонга 25 та гуруҳ юборди

БМТ Афғонистондаги зилзила оқибатларини бартараф этиш ва вазиятни баҳолаш учун камида 25 гуруҳни сафарбар этди.

Бу ҳақда БМТнинг гуманитар масалаларни мувофиқлаштириш бошқармаси маълум қилди.

"Бирлашган Миллатлар Ташкилоти минтақадаги вазиятни баҳолаш учун камида 25 гуруҳни жойлаштирди ва ҳозирданоқ табиий офат оқибатларини бартараф этишда ёрдам кўрсатмоқда, зарурий юкларни бориш мумкин бўлган ҳудудларга етказиб бермоқда", дейилади матнда.

Идора бошпана ва тиббиёт анжомлари қурилиши учун материаллар захираси тугаб бораётгани, жорий молиялаштириш эса барча эҳтиёжларни қондириш учун етарли эмаслиги ҳақида огоҳлантирди. Шунингдек, у табиий офат “кўплаб инқирозларга дуч келаётган, жумладан, қаттиқ қурғоқчилик ва қўшни мамлакатлардан миллионлаб афғонларнинг қайтиши каби” ўлим ва ҳалокатга олиб келгани таъкидланган.

Эслатиб ўтамиз, 31 август куни Ҳиндукуш тоғларида 6,2 магнитудали зилзила қайд этилган эди. Афғонистон шарқидаги Асадобод шаҳридан 27 км жануби-ғарбда содир бўлган. Кҳаама Пресс хабарига кўра, кучли силкинишлар бутун қишлоқларни вайрон қилган. Кўчкилар айрим аҳоли пунктларига кириш йўлларини тўсиб қўйган, алоқа линиялари узилган. Қутқарув ишлари бориш қийин бўлган тоғли эрларнинг оғир шароитларида олиб борилмоқда. Афғонистон расмийларининг сўнгги маълумотларига кўра, зилзила қурбонлари сони 1411 кишига етган, яна 3124 киши жароҳат олган.