Бирлашган Миллатлар Ташкилотининг Ливандаги Муваққат кучлари (UNIFIL) Исроил қўшинлари Ливан жанубидаги Марваҳим шаҳридаги тўсиқ ва кузатув минорасини бульдозер ёрдамида қулатган. UNIFIL кучлари “босим кўрсатилаётганига қарамай” минтақадаги ўз позицияларида қолишларини таъкидлади.
Бу сўнгги икки ҳафта ичида БМТ тинчликпарвар кучларининг Ливан жанубида Ҳизбуллоҳга қарши ҳарбий операция ўтказаётган Исроилга қарата айтилган биринчи айблови эмас. Маълум қилишича, ЦАХАЛ ҳозиргача уларнинг позицияларига бир неча бор ўқ узган, натижада беш киши қурбон бўлган.
Исроил Бош вазири Бинямин Нетаняҳу UNIFIL кучларини Ливан жанубидан олиб чиқиб кетишга чақириб, Ҳизбуллоҳ улардан “тирик қалқон” сифатида фойдаланаётганини айтди. Бироқ тинчликпарвар кучлар қўмондонлиги бу чақириқларни рад этмоқда.