БМТ таркибидаги Халқаро миграция ташкилоти (ХМТ) маълумотларига кўра, 26 октябрда Тезкор аралашув кучлари (RSF) томонидан Эл-Фашер эгалланганидан буён ўз уйларини тарк этганлар сони 106 минг нафардан ошган.
Ташкилот баёнотида қайд этилишича:
“26 октябрдан бери Эл-Фашер ва унинг атроф қишлоқларида кўчирилганлар сони 106 387 нафарга етди”.
ХМТ маълумотларига кўра, шаҳардан қочган аҳоли мамлакатнинг турли ҳудудларига тарқалган бўлиб, улар 11 штатдаги 37 туманга жойлашган. Дала гуруҳлари одамларнинг ҳаракатланишига жиддий хавф солаётган йўл хавфсизлиги билан боғлиқ қийинчиликлар ҳақида ҳам хабар бермоқда.
Баёнотда таъкидланишича, хавфсизлик вазияти ёмонлашгани ва кўчишлар давом этаётгани туфайли аҳвол жуда кескин ва ўзгарувчан бўлиб қолмоқда.
2023 йил 15 апрелдан бери Суданда армия билан ташқаридан қўллаб-қувватланадиган Тезкор аралашув кучлари (RSF) ўртасида шиддатли тўқнашувлар давом этмоқда.
Дарфур минтақасидаги энг йирик шаҳарлардан бири бўлган Эл-Фашер қатъий жанглардан кейин асосан RSF назоратига ўтди.
Бундан аввал ҳам ўн минглаб аҳоли шаҳарни тарк этган эди. RSF жангчилари томонидан эълон қилинган видеоларда тинч аҳолини мажбурий кўчириш, қўлсиз одамларни ўлдириш ва қийноқ ҳолатлари акс этгани иддао қилинган.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
