Президент Шавкат Мирзиёевнинг тадбиркорлар билан VI очиқ мулоқотида бизнес учун барқарор ўсиш траекториясини таъминлашга қаратилган янги ташаббуслар эълон қилинди.
Қайд этилишича, банклар кредит портфелида кичик бизнес улуши 45 фоиздан 63 фоизга ошган. 2026 йилнинг биринчи ярмида кичик ва ўрта бизнесга 76,5 трлн сўм ресурс ажратилган.
Тадбиркорлар учун «кредит хизматлари ягона рақамли портали» ҳам ишга туширилди. У орқали тадбиркор битта ариза топширади, банклар эса мижоз учун рақобат қилади. Бизнесни энди бошлаётганлар 5 млрд сўмгача кредитни онлайн расмийлаштириши мумкин бўлади.
Янги тизимда бизнеснинг турли босқичларига мос дастурлар жорий этилади. Янги тадбиркорлар учун «Бизнес старт», ишлаб чиқаришни йўлга қўйганлар учун «Бизнес лифт», янги ўсиш босқичига ўтаётганлар учун «Бизнес юксалиш» дастурлари ишлайди.
«Бизнес старт» доирасида тадбиркорларга сунъий интеллект ёрдамида лойиҳа ишлаб чиқиш, кредит ҳужжатлари ва ҳисоботларни юритиш ўргатилади.
Бу мақсадлар учун 100 млрд сўм ажратилади. Дастур доирасида тадбиркорларга тайёр бизнес-режа ҳамда 200 млн сўмгача гаровсиз кредит бериш назарда тутилмоқда.
Янги ёндашувда тадбиркорликни фақат кредит билан таъминлаш эмас, балки бизнеснинг кейинги босқичларида ҳам қўллаб-қувватлаш мақсад қилинган.
Президент Шавкат Мирзиёев бу тизимнинг мақсадини шундай ифодалади: «Тадбиркорга кредит бериш эмас, уни биринчи қадамидан катта бизнесга айлангунича бошидан охиригача қўллаб-қувватлайдиган комплекс тизим яратамиз».
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
Республикадаги учта 11-синфнинг барча битирувчилари талаба бўлди
АҚШ элчиси дунё бошқарувини яҳудийларга бериш таклифи билан чиқди
