Биз урушга барҳам беришнинг деярли якуний босқичига етдик — АҚШ президентининг махсус вакили

Кит Келлогнинг айтишича, 28 банддан иборат тинчлик режаси ҳали ҳам такомиллаштирилмоқда, аммо битимнинг асосий қисми аллақачон шаклланган.

"Россия-Украина урушига чек қўйиш бўйича Қўшма Штатларнинг тинчлик режаси муҳокамаларни талаб қилувчи ажойиб режадир", — деди Трампнинг махсус вакили.

Унинг айтишича, ҳужжатда янада яхшироқ ёритилиши ва тушунтирилиши зарур бўлган жиҳатлар бор.

"Режада хавфсизлик кафолатлари ҳам ўз аксини топади. АҚШ Будапешт меморандуми ва Минск келишувларидаги хатолар такрорланмаслиги учун асосий кафолатчига айланиши лозим бўлади", — дея қўшимча қилди Келлог.