Биз Россия ҳудудининг ичкарисига бериладиган ракета зарбалари учун “қатъий жавоб” қайтарамиз — Кремл матбуот котиби

Дмитрий Песковнинг сўзларига кўра, Украина ҳозирда ракеталарни мустақил равишда ишлаб чиқара олиши даргумон.

"Ракеталар Британиядан, Германияда, Италиядан ёки бошқа ҳар қандай давлатдан олинган бўлишидан қатъи назар биз бундай зарбаларга қатъий жавоб қайтарамиз. Бу ракеталарнинг асосий қисмлари ва блоклари Европадан тўлиқ импорт қилинмоқда", — деди Песков.

Аввалроқ Путин ҳам Россиянинг ички ҳудудларига амалга ошириладиган ракета зарбалари учун “жиддий ва ҳайратланарли жавоб” қайтарилишини айтган эди.