Тайванлик олимлар соч тўкилишига қарши янги табиий махсус суюқ дори яратишди. Тажриба ҳайвонлар устидан ўтказилган — уч ҳафта ичида тўлиқ кал бўлиб қолган оғмахонларда (хомяклар) яна тук–соч чиқиши бошланган.
Мутахассисларнинг айтишича, бу махсус дори таркибидаги табиий ёғ кислоталари соч илдизларини фаоллаштиради ва терини безовта қилмайди. Шу сабабли, у хавфсиз ҳисобланади.
Яқин вақтда дори инсонлар устидан ҳам синовдан ўтказилади. Агар натижа муваффақиятли бўлса, бу калликка қарши курашда катта илмий ютуқ бўлади.
