“Биз ҳозирча фақат кузатамиз. Улар яна бироз жанг қилсин, кейин нима бўлишини кўрамиз”

Трамп Украинага оид музокаралардан чиқиши мумкин.

АҚШ президенти Доналд Трамп Украинага қарши урушни тўхтатиш бўйича олиб борилаётган дипломатик саъй-ҳаракатларни вақтинча тўхтатиш масаласини кўриб чиқмоқда. Axios хабарига кўра, Оқ уй юқори лавозимли амалдорларидан бири Трамп икки томон — Россия ёки Украина — вазиятни ўзгартиришга ҳаракат қилмагунча, музокараларда фаолликни камайтиши мумкинлигини айтган.

“Биз ҳозирча фақат кузатамиз. Улар яна бироз жанг қилсин, кейин нима бўлишини кўрамиз”, — деган Оқ уй расмийси. Трампнинг атрофидаги айрим маслаҳатчилар Европа етакчиларини жараённинг “асосий тўсиқлари” деб билмоқда. Уларнинг фикрича, айрим давлатлар Киевни “ҳақиқатдан йироқ ҳудудий ён бериш” талаблари орқали босим остида ушлаб турибди.

Манбалarga кўра, АҚШ Молия вазирлиги Европага Россияга қарши қўллаш учун янги санкциялар рўйхатини тақдим этган. Бу таклифлар орасида Россиядан нефть ва газ импортин тўлиқ тўхтатиш ҳамда Хитой ва Ҳиндистонга қўшимча тарифлар жорий этиш бор. Шунга қарамай, Оқ уй Европанинг санкциялар масаласида етарли қатъият кўрсатмаётганидан норози.

Трамп, аввалги саммитларда ҳам айтганидек, енди асосий эътибор Путин ва Зеленский ўртасидаги бевосита учрашувга қаратлиши кераклигини таъкидламоқда. Бироқ Россия томон бундай музокарага ҳозирча рози эмас, Украина эса ҳудудий ён бериш масаласини столга қўйишни рад этмоқда.