«Биз ҳаётни танлаймиз!» шиори остида гиёҳвандликка қарши курашиш йўналишидаги видеороликлар танлови эълон қилинди

Ўзбекистон Республикаси Президенти Администрацияси ҳузуридаги Наркотикларни назорат қилиш миллий маркази Кинематография агентлиги, Миллий телерадиокомпания ва Миллий медиа ассоциацияси билан ҳамкорликда ижодкор ёшлар ўртасида «Биз ҳаётни танлаймиз!» шиори остида гиёҳвандликка қарши курашиш йўналишидаги видеороликлар танловини эълон қилди.

🗓 Иштирокчилар ўз анкеталари ва видеороликларини 2025 йил 1 февралдан 1 майгача Миллий марказнинг tanlov@ncdc.uz электрон почтаси орқали, шунингдек, электрон воситаларда шахсан тақдим этишлари мумкин.

Танловнинг ғолиб ва совриндорлари қуйидагилар билан тақдирланади:

🥇 1-ўрин учун ноутбук;
🥈 2-ўрин учун планшет;
🥉 3-ўрин учун смартфон;

🎁 «Энг яхши ғоя», «Энг яхши оператор» ва «Энг яхши актёр (актриса)» номинациялари ғолиблари учун Миллий марказнинг эсдалик совғаси.

Ғолиб ва совриндорлар «26 июн – Халқаро гиёҳвандликка қарши кураш куни» арафасида эълон қилинади ва тантанали равишда тақдирланади.

📝 Танлов низоми билан ушбу ҳавола орқали танишишингиз мумкин.

Юртимизнинг барча ёшларини ушбу танловда фаол иштирок этишга чорлаймиз!