Дмитрий Песков NBC News телеканалининг АҚШ президенти Доналд Трамп Путиннинг Украинада БМТ ва бир қатор давлатлар шафелигида вақтинчалик бошқарув тизимини жорий этиш таклифидан ғазаблангани ҳақидаги хабарига изоҳ берди.
"Ушбу мулоҳазаларнинг бир қисми қайта-қайта гапирилган, бу иқтибослар эмас эди. Биз АҚШ томони билан, биринчи навбатда, Жо Байден маъмурияти даврида катта зарар етказилган икки томонлама муносабатларимизни йўлга қўйиш бўйича ишларни давом этдиряпмиз", – дея таъкидлади Песков.
Унинг сўзларига кўра, Россия ҳам Украина келишуви билан боғлиқ баъзи ғояларни амалга ошириш устида ишламоқда.
"Иш давом этмоқда, лекин ҳозирча сиз билан бўлишишимиз керак бўлган аниқ тафсилотлар йўқ. Бу узоқ давом этадиган жараён бўлиб, масаланинг мураккаблиги билан боғлиқ. Президент Трамп билан мулоқот учун мутлақо очиқ бўлиб қолмоқда. Зарурат туғилганида давлат раҳбарлари ўртасида суҳбат тезкор тарзда ташкил этилади", – дея қўшимча қилади Дмитрий Песков.
🔴 БАА судидан шов-шувли қарор: ўзбекистонликлар ўлимга ҳукм қилинди!
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ Украина билан урушдан кейин Россия учун янги режа таклиф қилади
