Bitcoin курси тарихий максимумни янгилади

Bitcoin курси 90 минг долларга етди.

Ушбу криптовалюта нархи икки кун ичида 10 минг долларга ошди. Bitcoin курси 11 ноябр куни Америка бозорининг очилишида кескин ўсишни бошлади ва бир неча соат ичида деярли тўхтовларсиз 10 фоизга кўтарилди, доимий равишда унинг максимал қиймати янгиланиб борди.

12 ноябр куни эрталаб нарх 90 минг долларга яқинлашди, шундан сўнг у бироз пасайди, кейин ўсишни давом эттирди ва Binance биржасида рекорд даражада 90 600 долларга етди. Bitcoin капиталлашуви 1,78 триллион доллардан ошди.

Эслатиб ўтамиз, АҚШ президенти Доналд Трамп сайловолди дастурида bitcoin'ни қўллаб-қувватлаш бўйича баёнотлар берганди.