Бишкек мэрияси Қирғизистоннинг "Жимжитлик тўғрисида"ги қонунига мувофиқ, пойтахтдаги барча кўнгилочар масканлар фаолиятини маҳаллий вақт билан соат 22:00гача чеклаганини маълум қилди.
Бу ҳақда Қирғизистон оммавий ахборот воситалари хабар тарқатган.
Янги фармонга кўра, кафе, ресторанлар, барлар, клублар, банкет заллари ва бошқа муассасалар раҳбарлари белгиланган муддатдан кечиктирмай барча тантанали, маданий ва кўнгилочар тадбирларни тўхтатиб, ўз муассасаларини ёпишлари шарт.
Бундан ташқари, соат 22:00 дан кейин барча энергия сарфлайдиган асбоблар, жумладан, электр печкалар, иситгичлар ва печлар ўчирилиши керак. Баланд мусиқа ва ёрқин ёруғлик билан тадбирлар ўтказиш ҳам тақиқланади.
Электр генераторларидан фойдаланиш фақат қонун талабларини ҳисобга олган ҳолда турар-жой биноларидан узоқда жойлашган объектлар учун рухсат этилади.
Туман ҳокимликлари шаҳар инспекторлари билан биргаликда тартибнинг бажарилиши устидан назорат олиб боради ва мунтазам текширувлар ўтказади.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
