Бишкекда Ўзбекистон – Португалия ўйинини томоша қилиш учун фан-зона ташкил этилади

Бугун, 23 июн куни Қирғизистон пойтахтида Ўзбекистон – Португалия ўйинини катта экранда жамоавий томоша қилиш учун фан-зона ташкил этилади.

Тадбир Бишкек марказидаги Т. Усубалиев номидаги майдонда ўтказилади.

Тадбир дастури соат 21:20 да бошланади — меҳмонлар учун маҳаллий эстрада санъаткорлари чиқиш қилади. Соат 22:00 дан 23:00 гача жонли трансляция ва ўйин шарҳи ташкил этилади. Учрашув эса соат 23:00 да бошланади.

Тадбир муносабати билан Бишкек шаҳрининг қатор кўчаларида транспорт ҳаракати вақтинча чекланади.

Эслатиб ўтамиз, Ўзбекистон — Португалия ўйини бугун, 23 июн куни Тошкент вақти билан 22:00 да бошланади. Ўзбекистоннинг қатор майдонларида, жумладан, пойтахтдаги «Бунёдкор» стадионида ўйин катта экранларда намойиш этилади.