«Toshkent-Aero» ихтисослаштирилган божхона комплекси тезкор тузилмалари томонидан гиёҳвандлик воситаларининг ноқонуний олиб кирилиши ва ички ҳудуддаги яширин айланмасига қарши навбатдаги тезкор тадбирлар ўтказилди.
Пойтахт аэропортида Бишкекдан учиб келган қўшни давлат фуқароси божхонадан «яшил» йўлак орқали ҳаракатланиб, жомадонида синтетик гиёҳвандлик воситаларини олиб киришга урингани фош қилинди.
Гўёки спорт озуқаси тарзида олиб ўтилаётган 2 та қутидаги 684 дона капсула таркибида 560,75 гр. «alfa-PVP» синтетик гиёҳвандлик моддаси мавжудлиги аниқланди.
Шундан сўнг мазкур наркожиноятнинг илдизига етиб бориш мақсадида комплекснинг Контрабандага қарши курашиш шўъбаси томонидан давлат хавфсизлик хизмати ва ички ишлар идоралари вакилларини жалб қилган ҳолда Тошкент шаҳрида тезкор тадбир ўтказилди.
Яъни, хориждан олиб кирилган 560,75 гр. «alfa-PVP» синтетик гиёҳвандлик моддасини қабул қилиб олиши керак бўлган шахс ҳам Бектемир туманида қўлга олинди.
Ушбу шахснинг хонадони белгиланган тартибда кўздан кечирилганида, бу ерда 114 дона капсулада тахминан 80 гр. оғирликдаги «ALFA-PVP» синтетик гиёҳвандлик моддаси ва уларни тарқатиш учун ҳозирланган 37 дона ўрамчалар, 2 гр. оғирликдаги «marixuana», 2 дона ўрамда 30 гр. оғирликда бошқа турдаги синтетик наркотик модда, 4 дона электрон тарози, изоленталар ва зип пакетлар мавжудлиги аниқланиб, далилий ашё тариқасида олинди.
Эрон АҚШга яна таҳдид қилди
Эрон Яқин Шарқдаги Исроил ва АҚШ базаларига гипертовушли ракета ҳужумини уюштирди
Яқин Шарқда ҳалок бўлган америкаликларнинг жасадлари эртага АҚШга қайтарилади
