Бирлашган Миллатлар Ташкилоти Хавфсизлик Кенгаши аъзолари барча томонларни БМТнинг Ливандаги Муваққат кучлари (UNIFIL) шахсий таркиби ва объектларини ҳурмат қилишга чақириб, UNIFIL яқинда уюштирилган ҳужумлардан чуқур хавотир билдиришди.
Кенгаш президенти, Швейцариянинг БМТдаги доимий вакили Паскаля Берисвил Ливандаги вазият бўйича Кенгашнинг ёпиқ мажлиси якунлари бўйича матбуотга баёнот берди.
Унинг таъкидлашича, Исроил ва Ливан ўртасидаги Мовий чизиқ бўйлаб кескинлик кучайган ва Кенгаш аъзолари UNIFIL объектларида яқинда содир бўлган ёнғиндан жиддий хавотир билдиришган.
"UNIFIL ходимлари ва объектларини ҳурмат қилишга чақириб, тинчликпарвар кучлар ва уларнинг объектлари ҳеч қачон нишонга олинмаслиги кераклигини таъкидлайди", дея қўшимча қилди у.
Берисвил, шунингдек, Кенгаш аъзоларининг UNIFILни қўллаб-қувватлашини таъкидлади ва тинч аҳоли ўлими, вайронагарчилик ва кўчирилишидан хавотир билдирди.
Берисвилнинг қўшимча қилишича, Кенгаш аъзолари барча томонларни халқаро гуманитар ҳуқуқни ҳурмат қилишга чақирган ва Хавфсизлик Кенгашининг 1701-резолюциясини ҳурмат қилиш зарурлигини таъкидлаган.
Ўзбекистон Россия элчисини чақиртирди
Ҳабиб ЕЧЛда ким ғолиб бўлишини истаётганини айтди
"Украиналиклар руслар босиб олган ҳудудларни де-факто беришга тайёр"
