Билл Клинтон ва рафиқаси Хиллари кўрсатма беришга рози бўлди

АҚШ собиқ президенти Билл Клинтон ва рафиқаси Хиллари Эпштейн иши бўйича кўрсатма беришга рози бўлди. Бу ҳақда Sky News хабар бермоқда.

Эшитувлар АҚШ вакиллар палатасида бўлиб ўтади. Аввалроқ Клинтонлар иштирок этишдан бош тортганди. Ўшанда республикачилар уларни конгрессга ҳурматсизликда айблаш билан таҳдид қилган.

Эр-хотиннинг ҳимоячиси сўроқнинг давомийлигини тўрт соат билан чеклаш ва саволлар доирасини торайтиришни таклиф қилган. Аммо бу рад этилган. Билл Клинтон Эпштейн иши бўйича махфийликдан чиқарилган фотосуратларда акс этган.