Франция ва Германия Венгриянинг Украинага ҳарбий ёрдам кўрсатиш масаласида вето қўйишини четлаб ўтадиган Европа Иттифоқи ғоясини қўллаб-қувватламади. Бу ҳақда 26 октябрь куни Bloomberg манбаларига таяниб хабар берди.
Суҳбатдошларнинг тушунтиришича, Европа ташқи ҳаракатлар хизмати Европа Иттифоқи давлатларига Европа тинчлик жамғармасига ихтиёрий бадаллар киритишга рухсат беришни таклиф қилган, бу эса кейинчалик бир овоздан қўллаб-қувватлаш ўрнига, ҳисса қўшувчиларнинг ўзлари розилиги асосида маблағ ажратиш имконини беради.
"Аммо айрим давлатлар, жумладан, Франция ва Германия жамғармага иттифоқ ташқи сиёсатининг қуроли сифатида таҳдид солиши мумкин бўлган прецедент эҳтимолидан хавотир билдирди", — дейилади мақолада.
Агентлик манбаларига кўра, бошқа давлатлар ихтиёрий ҳисса қўшиш ташаббусини қўллаб-қувватлайдими ёки йўқми, ҳозирча аниқ эмас.
Ҳозирги вақтда жамғарма мажбурий бадаллардан иборат бўлиб, уларнинг миқдори маблағларни киритаётган мамлакат иқтисодиётининг ҳажмига боғлиқ. Шу билан бирга, фонддан молиялаштириш учун бир овоздан қарор қабул қилиниши керак.
9 январь АҚШда мотам куни деб эълон қилинди
Ғарб Россиядан санкцияларни АҚШга кўчиришни таклиф қилди
Россияда вақтинча меҳнат фаолиятини олиб бораётган ҳамюртларимиз учун муҳим хабар
