Бельгия ташқи ишлар вазири Максим Превост АҚШнинг Фаластин расмийларига берилган визаларни бекор қилиш қарорини кескин танқид қилди. Унинг сўзларига кўра, ушбу қарор “жуда афсусланарли” ва “дипломатияга зарба” ҳисобланади.
Превостнинг таъкидлашича, БМТ Бош Ассамблеясининг 80-сессияси арафасида фаластинлик вакилларни четлатиш нафақат адолатсизлик, балки кўп томонлама ҳамкорлик ва халқаро ҳуқуқ тамойилларига зиддир.
“Фаластин овозини ўчириш тeskari натижа беради. БМТ барча халқлар, айниқса, келажаги мулоқотга боғлиқ бўлганлар овози эшитиладиган минбар бўлиб қолиши шарт”, — деди вазир.
АҚШ Давлат департаменти эса визаларнинг бекор қилинишига изоҳ бериб, Фаластин маъмуриятини терроризмни қораламасликда, зўравонликка ундашда ва Халқаро судлар орқали Исроилга қарши “ҳуқуқий уруш” олиб боришда айблади.
Шу билан бирга, Франция, Буюк Британия, Канада ва Австралия каби бир қатор давлатлар БМТ Бош Ассамблеясида Фаластин давлатини расман тан олиш режаларини эълон қилган.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Ҳудудлар “эртами кечми” барибир Москвага тегишли бўлади
