BBC: Трампнинг Хитойга қарши савдо тарифлари сиёсати туфайли дунё фонд бозорларида индекслар пасаймоқда

Американинг S&P 500 индекси пайшанба кунги савдо якунларига кўра 3,5 фоизга, Dow Jones Industrial 2,5 фоизга, Nasdaq эса 4,3 фоизга пасайди.

Аввалги кунлардаги йўқотишлар қисман қоплангач, жума куни Осиё бозорларидаги қимматли қоғозлар ҳам яна арзонлаша бошлади.

Япониянинг Nikkei 225 индекси ҳозирда пайшанба кунги савдо якунига нисбатан 5 фоизга, Жанубий Кореянинг KOSPI ва Австралиянинг S&P/АSX 200 индекслари ҳар бири деярли 2 фоизга пасайди. Тайваннинг ТАIEX индекси эса жума кунги савдо бошида 1,2 фоиз қийматини йўқотди.