Маълумотларга кўра, Украинанинг Европадаги тўрт йирик иттифоқдош мамлакатлари етакчилари — Франция президенти Эммануел Макрон, Германия канцлери Фридрих Мерц, Буюк Британия бош вазири Кир Стармер ва Полша Бош вазири Доналд Туск 10 майда Киевга ташриф буюришади. Улар Украина президенти Володимир Зеленский билан музокаралар ўтказиш ва Россияни 30 кунлик ўт очишни тўхтатишга чақиришни режалаштирмоқда.
Ташриф эълон қилинган пайтда Макрон тўрт етакчининг биргаликдаги фотосуратини эълон қилиб, унга француз, инглиз, немис ва поляк тилларида "Биз Киев йўлидамиз. Украина учун, Европа учун" деган изоҳ қолдирди.
АFP агентлиги қайд этишича, европалик тўрт етакчининг бир вақтда Украинага ташрифи мисли кўрилмаган ҳолатдир. Ташриф арафасида Европа давлатлари етакчилари Москвани "тўлиқ ва сўзсиз 30 кунлик ўт очишни тўхтатиш"га чақирди.
Аввалроқ АҚШ президенти Доналд Трамп Володимир Зеленский билан суҳбатдан сўнг Қўшма Штатлар Россиядан 30 кунлик сулҳга рози бўлишни талаб қилмоқчи эканини билдирган эди.
Reuters агентлигининг дипломатик манбага таяниб хабар беришича, АҚШ ва унинг Европадаги иттифоқчилари Россияга 30 кунлик сулҳ таклифини тайёрламоқда. Агар Москва таклифни рад этса, унга нисбатан Европа Иттифоқи ва АҚШ томонидан янги санкциялар киритилиши режалаштирилган.
Ортиқхўжаев янги лавозимда иш бошлагани айтилмоқда
Шаҳбоз Шариф Покистоннинг ғалабасини эълон қилди
Россия ва Хитой АҚШнинг “Олтин гумбаз” лойиҳасига қарши чиқди
