Байкалорти ўлкасида Ан-2 самолётининг қаттиқ қўниши оқибатида жароҳатланганлар сони 10 нафарга етди

Соғлиқни сақлаш вазирлиги аввалроқ саккиз киши жароҳатлангани ҳақида хабар берган эди.

Байкалорти ўлкаси (Россия Федерацияси) Соғлиқни сақлаш вазирлиги Ан-2 самолётининг қаттиқ қўниши оқибатида жабрланганлар сони ҳақидаги маълумотга аниқлик киритди.

Янгиланган маълумотларга кўра, 10 киши жабрланган, улардан 2 нафарининг аҳволи оғир.

Аввалроқ Соғлиқни сақлаш вазирлиги саккиз киши жабрлангани ҳақида хабар берган эди.

“Жами 10 нафар жабрланган, улардан 2 нафари оғир, 8 нафари ўртача даражадаги тан жароҳати олган”, дея аниқлик киритди ҳудуд Соғлиқни сақлаш вазирлиги журналистларга.

Фавқулодда вазиятлар вазирлигининг Байкалорти ўлкаси бўйича бош бошқармаси матбуот хизмати аввалроқ хабар берганидек, Ан-2 самолёти Чита туманига қаттиқ қўнган. Енгил двигателли ДОСААФ самолёти ҳавога кўтарилганидан 16 дақиқа ўтиб “Топограф” СНТ яқинига қўнди. Самолёт бортида 10 нафар парашютчи ва бир экипаж аъзоси бўлган, деб хабар беради tass.ru.