«Барселона» янги шартнома орқали Ламин Ямалнинг товон пулини 1 миллиард еврога етказади

«Барселона»нинг қанот ҳужумчиси Ламин Ямаль каталон клуби билан янги шартнома имзолайди.

Barca Universal маълумотларига кўра, Ямалнинг «кўк-анорранглилар» билан шартномаси у 18 ёшга тўлганида 6 йилга узайтирилади. Томонлар келишув шартлари бўйича келишувга эришган. Шартномадаги товон пули 1 миллиард евро этиб белгиланади.

Жорий мавсумда 17 ёшли Ямал «Барселона» сафида барча мусобақаларда 16 та ўйин ўтказиб, 6 та гол ва 8 та ассист муаллифи бўлди. Унинг клуб билан амалдаги шартномаси 2026 йил ёзига қадар мўлжалланган. Transfermarkt сайтига кўра, футболчининг бозор қиймати 150 миллион еврони ташкил қилади.