"Барселона" Хасбикни "Камп Ноу"га таклиф қилди

Хасбик номи билан танилган россиялик машҳур блогер Хасбулла Магомедов "Барселона"дан янгиланган "Камп Ноу" стадионидаги икки ўйинни томоша қилиш учун расмий таклиф олди. Бу ҳақда Аюб Гумбатов ижтимоий тармоқларда маълум қилди.

Хасбик 28 сентябрь куни "Реал Сосьедад"га қарши ўйинда, шунингдек, 19 октябрь куни "Жирона"га қарши баҳсда каталонияликлар меҳмони бўлади.

Доғистонлик 23 ёшли йигит 2020 йилда интернетдаги вирусли роликлар туфайли машҳурликка эришган. 2022 йилда у UFC элчисига айланди.