«Барселона» ўртоқлик учрашувида «Бирмингем»га пенальтилар сериясида мағлуб бўлди (видеошарҳ)

Кеча «Бирмингем Сити» ва «Барселона» ўртасидаги ўртоқлик учрашуви ўтказилди. Асосий вақт 2:2 ҳисобида дуранг билан якунланди, пенальтилар сериясида эса 3:2 ҳисобида Англия жамоаси ғалаба қозонди.

Учрашув Англиянинг Бирмингем шаҳридаги «Сент-Эндрюс» стадионида бўлиб ўтди.

Ҳисоб 31-дақиқада Аугуст Прискенинг голи билан очилди ва мезбонлар олдинга чиқиб олди. 42-дақиқада Ҳамза Абдулкарим пенальтини аниқ амалга ошириб, мувозанатни тиклади. У 60-дақиқада яна бир бор рақиб дарвозасини ишғол қилиб, «Барселона»ни ҳисобда олдинга олиб чиқди.

Бироқ 68-дақиқада Жон Солис ҳисобни яна тенглаштирди. Ғолиб номи пенальтилар сериясида аниқланди ва унда «Бирмингем Сити» омадлироқ чиқди.

Ўтган мавсум якунларига кўра, «Бирмингем Сити» Чемпионшипда 64 очко тўплаб, 10-ўринни эгаллаган эди. «Барселона» эса 94 очко билан Ла Лига чемпиони бўлган.

Ўртоқлик учрашуви
«Бирмингем Сити» - «Барселона» - 2:2
Пенальтилар серияси — 3:2
31 июль 2026 йил | Бирмингем (Англия). «Сент-Эндрюс» стадиони
Голлар: 31' — Аугуст Приске (1:0), 42' — Ҳамза Абдулкарим (пенальти) (1:1), 60' — Ҳамза Абдулкарим (1:2), 68' — Жон Солис (2:2)