"Барселона"нинг Хулиан Альварес борасидаги музокаралари боши берк кўчага кириб қолди

"Барселона" Хулиан Альварес трансфери бўйича музокараларда олдинга силжий олмаяпти.

Аввалроқ Каталония клуби "Атлетико" ҳужумчиси учун тахминан 100 миллион евро таклиф қилгани, бироқ мадридликлар футболчини қўйиб юборишдан бош тортгани ҳақида хабар берилган эди.

Cadena SER журналисти Педро Фульянанинг маълум қилишича, музокаралар жараёни боши берк кўчага кириб қолган. "Атлетико" аргентиналик футболчини қўйиб юбормоқчи эмас, чунки у клубнинг кейинги мавсум учун режаларида муҳим ўрин тутади.

Қайд этилишича, трансфер учун "ягона реал вариант" бу "Арсенал"га ўтиш ҳисобланади, бироқ футболчининг ўзи бу вариантни кўриб чиқмаяпти. У агар "Атлетико"дан кетадиган бўлса, фақат "Барселона"га қўшилишни афзал кўради, аммо трансферни тезлаштириш учун клубга босим ўтказмоқчи эмас.

Ла Лиганинг якунланган мавсумида Хулиан 29 та учрашувда майдонга тушиб, 8 та гол урди ва 4 та голли узатмани амалга оширди.