Бангладешнинг жануби-шарқида бир неча кун давом этган кучли муссон ёмғирлари оқибатида сув тошқинлари ва кўчкилар камида 44 кишининг ҳаётига зомин бўлди ва бир миллиондан ортиқ одам уйсиз қолди.
Бу ҳақда мамлакат Табиий офатларни бошқариш вазирлиги хабар берди.
"Читтагонг, Кокс-Базар, Бандарбан, Рангамати, Кхаграчхари, Мулвибазар ва Хабиганджнинг етти туманини қамраб олган сув тошқини турмуш тарзини издан чиқарди, минглаб оилаларни изоляция қилди ва 267 918 хонадонни уйсиз қолдирди", дейилади баёнотда.
Ювилган йўллар ва шикастланган кўприклар гуманитар ёрдам ходимларининг энг кўп зарар кўрган ҳудудларга киришига тўсқинлик қилаётгани таъкидланмоқда. Армия ва денгиз кучлари қайиқда изоляция қилинган жамоаларга озиқ-овқат, ичимлик суви, дори-дармон ва бошқа зарур нарсаларни етказиб бермоқда, расмийлар эса ёрдам кўрсатиш ишларини кучайтирмоқда.
Шу ҳафта бошида Кокс-Базардаги Роҳиня қочқинлар лагерларида ҳам кучли ёмғирлар кўчкиларни келтириб чиқарди ва 16 қочқин, жумладан, аёллар ва болалар ҳалок бўлди.
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
“Ислом НАТО”сига қўшилишни хоҳловчилар кўпаймоқда
