Баҳрайн ҳукумати Эронни қўллаб-қувватлаганликда айбланган 69 нафар шахсни фуқароликдан маҳрум қилишга қарор қилди. Бу ҳақда мамлакат Ички ишлар вазирлиги маълум қилди.
Расмий баёнотга кўра, Эроннинг “душманона ҳаракатларини қўллаб-қувватлаган ёки уларни тарғиб қилган” шахслар ҳамда айрим ҳолларда уларнинг яқинлари ҳам фуқароликдан чиқарилган.
Қайд этилишича, қарор АҚШ ва Исроил билан боғлиқ минтақавий зиддият фонида қабул қилинган.
Мутахассислар бундай чоралар минтақадаги сиёсий кескинликни янада кучайтириши мумкинлигини таъкидламоқда.