Бирлашган Араб Амирликлари ҳукуматининг маълум қилишича, аэропортлар ёпилиши сабабли мамлакатда қолиб кетган хорижий сайёҳлар ва йўловчиларнинг меҳмонхона ва озиқ-овқат харажатлари давлат ҳисобидан қопланади.
Абу-Даби Маданият ва туризм департаменти сайёҳлар учун вақтинча турар жой ва озиқ-овқат билан таъминланганини, рейсларни қайта брон қилиш жараёни ҳам амалга оширилаётганини маълум қилган.
Ҳозирга қадар 20 минг 200 дан ортиқ йўловчи ушбу хизматлардан фойдаланган. Шахсий компаниялар ҳам бепул турар жой ажратиш орқали ёрдам бераётгани айтилган.
