Аёлларнинг анъанавий кўк кўйлаги бир неча минг йиллар олдин Орол соҳилларида яшаган массагетлар билан боғлиқ. Кўйлакнинг кўкрак қисмига кашта тикилган. Тадқиқотчиларга кўра, бу кўз-суқдан асровчи илоҳий белги ҳисобланган.
Шунингдек безакли нафис саукеле ҳам келинлар бош кийими ҳисобланган. У қадимги Сак-Массагет жангчилари дубулғасини эслатади.
Уни безатиш учун кумуш маржонлар кўринишидаги каштадўзлик ва заргарлик буюмлари ишлатилган.
Қорақалпоқ миллий кийимлари ҳақида “Ўзбекистон маданий мероси жаҳон тўпламларида” туркумидаги "И. В. Савицский номидаги Қорақалпоғистон Республикаси давлат санъат музейи" (IX жилд) китоб-альбомидан маълумот олишингиз мумкин.
